Our Vision

Promoting children’s Physical, Mental, Emotional, Professional, Social and Spiritual skills enabling them to be successful citizens.

Our Mission

To enhance opportunities for children’s life-long learning by facilitating schools in our zone with pedagogical and physical aspects enabling them to meet life’s situations in the changing world.

பௌர்ணமி விழா

Saturday, 05 May 2012 15:44 |

துணுக்காய் வலய பௌர்ணமி விழா - 2012

வடமாகாண கல்வித் திணைக்களத்தின் அனுசரனையுடன் துணுக்காய் வலயக்கல்வி அலுவலகத்தினால் நடாத்தப்பட்ட பௌர்ணமி விழா நிகழ்வு இன்று வைகாசி மாதம் 05ம் திகதி சனிக்கிழமை மு/ பாலிநகர் மகா வித்தியாலய அரங்கத்தில் நடைபெற்றது. இந் நிகழ்விற்கான விருந்தினர்கள் மங்கள வாத்தியங்களுடனும், கோலாட்டம், காவடியாட்டம், செம்பு நடனம் போன்ற கிராமிய நடனங்களுடன் விழா மண்டபத்திற்கு அழைத்துவரப்பட்டனர்.
துணுக்காய் வலயக்கல்வி பணிப்பாளர் திருமதி. L. மாலினி வெனிற்றன் தலைமையில் நடைபெற்ற இந் நிகழ்வில் வட மாகாண கல்விச் செயளாளர் திரு S. சத்தியசீலன் பிரதம விருந்தினராக கலந்து கொண்டார். இந் நிகழ்வில் மாகாண கல்வித்திணைக்களத்தின் உத்தியோகத்தர்கள், வடமாகாணவலயக் கல்விப்பணிப்பாளர்கள்,
துணுக்காய்வலயக் கல்விப்பணிமனை உத்தியோகத்தர்கள், அதிபர்கள், ஆசிரியர்கள், மாணவர்கள், பெற்றோர்கள், பொதுமக்கள் கலந்துகொண்டனர்.
மாணவர்கள், ஆசிரியர்களின் கலைநிகழ்வுகளுடன் நடைபெற்ற இந்நிகழ்விற்கான மதிப்பீட்டு உரையினை வடமாகாண அழகியற் கல்வி உதவிக் கல்விப்பணிப்பாளர் நிகழ்த்தினார். வலயக்கீதத்துடன் விழா இனிதே நிறைவுபெற்றது.

பரிசளிப்பு விழா நிகழ்வு.

Wednesday, 25 April 2012 15:00 |

ஆரம்பக் கல்வி மாணவர்களுக்கான பரிசளிப்பு விழா நிகழ்வு.

துணுக்காய் கல்வி வலயத்தின் ஆரம்பக் கல்வி மாணவர்களுக்கான துரித கற்றல் உபகரணப் போட்டியில் வெற்றிபெற்ற மாணவர்களுக்கு பரிசில்களும் சான்றிதழ்களும் வழங்கும் வைபவம் 2012.04.25 ஆம் திகதி புதன்கிழமை மு/மாங்குளம் ம.வி.யில் மு.ப 09.00 மணியளவில் துணுக்காய் வலயக் கல்விப் பணிப்பாளர் திருமதி.L.M.வெனிற்றன் அவர்களின் தலைமையில் நடைபெற்றது.

ஆரம்பக் கல்வி ஆசிரியருக்கான செயலமர்வு

Monday, 02 April 2012 06:45 |

ஆரம்பக் கல்வி ஆசிரியருக்கான செயலமர்வு
ஸ்ரீ சத்திய சாயி சேவா நிலையத்தின், அனுசரனையுடன் துணுக்காய் வலய ஆரம்பக்கல்வி ஆசிரியருக்கான இரண்டு நாட்கள் கொண்ட செயலமர்வு ஆசிரியமத்திய நிலையம் மாங்குளத்தில் மார்ச் மாதம் 30, 31 ம் திகதிகளில் நடைபெற்றது.
செயலமர்வின் நோக்கம் மனித மேம்பாடு தொடர்பான செயற்பாடுகளை ஆசிரியர்களுக்கும் மாணவர்களுக்கும் பாடசாலைக் கல்வியின் ஊடாக எவ்வாறு எவ்வாறு அவர்களுக்கு கிடைக்கச் செய்யலாம் என்பது பற்றியதாகும். மனித விழுமியங்கள், மானிட நேயம் என்பவற்றை பிள்ளைகள் மனதில் வளர்ப்பதன் ஊடாக சமூக நற்பிரஜைகளாக மாணவர்களை வழிப்படுத்தலாம் எனக்கருத்துக்களை வளவாளர்கள் பகிர்ந்து கொண்டனர். வளவாளர்களாக கொழும்பு சாயி சேவா நிலைய இணைப்பாளர் வைத்திய கலாநிதி திரு.திருமதி.ஐகநாதன், சாந்தா மகேந்திரன், திரு. இராஐகோபால் பாடசாலை அதிபர் கண்டி, திருகோணமலையைச் சேர்ந்த திரு.திருமதி. புவனேந்திரன்,திருமதி சரவணபவன் ஆகியோர் கலந்து கொண்டனர். இதற்கான ஒழுங்கமைப்பு திரு.த.மேகநாதன் (முன்னாள் வலயக்கல்வி பணிப்பாளர், துணுக்காய்.) அவர்களால் மேற்கொள்ளப்பட்டது. மேலும் இந்நிகழ்வில் பிரதிக் கல்விப் பணிப்பாளர்கள், உதவிக் கல்விப் பணிப்பாளர்கள், ஆசிரிய ஆலோசகர்கள் கலந்து கொண்டனர்.

விளையாட்டு நிகழ்வு

Monday, 02 April 2012 06:01 |

விசேட கல்வி மாணவர்களுக்கான விளையாட்டு நிகழ்வு
விசேட கல்வி மாணவர்களின் செயற்பாடுகளை விருத்தி செய்வதற்காக வலயக்கல்வி அலுவலகத்தினால் ஒழுங்கமைக்கப்பட்ட விளையாட்டுப்போட்டி மிகவும் சிறப்பான முறையில் மு/கரிப்பட்ட முறிப்பு அ.த.க.பாடசாலையில் 29.03.2012 வியாழக்கிழமை நடைபெற்றது. இதனை விசேட கல்வி ஆசிரிய ஆலோசகர் திருமதி.சு. சர்வேஸ்வரநாதன் ஒழுங்குபடுத்தி நடாத்தினார் வலயக்கல்விப் பணிப்பாளர் திருமதி L . மாலினி வெனிற்றன் தலைமையில் நடைபெற்ற இந்நிகழ்வில் பிரதம விருந்தினராக திருமதி பாலிகா வீரசிங்க வைத்தியர் மாங்குளம் வைத்தியசாலை அவர்கள் கலந்துகொண்டார். இந்நிகழ்வில் விசேட தேவையுடைய மாணவர்கள் 75 பேர் கலந்து கொண்டனர். மேலும் இந்நிகழ்வில் பிரதிக் கல்விப் பணிப்பாளர்கள், உதவிக் கல்விப் பணிப்பாளர்கள், ஆசிரிய ஆலோசகர்கள், பொது மக்கள் பெருமளவில் கலந்து கொண்டனர்.